L-industrija tal-gideb trendi sew, u bi żmien inħoloq ċirku korrott. Parti minn dan ir-racket issib ukoll bloggers.
Iva, apparti li hawn numru ta’ ġurnalisti, f’pajjiżna hawn involuti wkoll bloggers.
Bloggers li jitħallsu kull xahar minn politiċi u professjonisti sabiex jiggarantixxu li ma jiktbu xejn dwarhom jew l-interessi tagħhom.
Bloggers mħallsa tajjeb sabiex ċerti politiċi u professjonisti jmexxu l-aġenda personali tagħhom u jiddettaw huma x’għandu jinkiteb u lil min u meta għandhom jattakkaw.
Bloggers li intużaw biex ikissru politiċi, negozji u saħansitra familji.
Din mhux korruzzjoni wkoll?
Sadanittant, għandna liġi ridikola ta’ żmien żemżem. Liġi attwali tad-daħk toffri inċentivi kbar lil min irid jabbuża u jopera fl-industrija tal-gideb.
Impunita’ sfaċċata.
Sur Gvern, x’qed tistenna biex temenda l-liġijiet?
Jaqaw din l-impunita’ konvenjenti għalik?
Jew qed tistenna li jissemmew l-ismijiet biex forsi toħroġ mill-koma u taġixxi?
Nassigurakom li se nkompli ninsisti.
Sur Gvern, xammar il-kmiem u ara x’se jagħmel‼️