Kondoljanzi lill-familja ta’ Karl Gouder

Kondoljanzi lill-familja tal-mibki Karl Gouder u l-mistrieh ta’ dejjem lilu.

Bħala kummentatur politiku dwar ġrajjiet kurrenti, il-bieraħ għamilt post dwar il-fatt li Karl ġie co-opted darbtejn.

Il-post kien sempliċi kummentarju politiku bbażat fuq fatti.

Ma neħħejtx il-post għax kien fih xi ħaġa ħażina iżda b’rispett u prudenza.  Anzi il-post tant kien fair comment li jista’ jkun li biex nifqa’ l-bżieżaq ta’ spekulazzjoni qarrieqa nkun kostrett kontra qalbi nerġa ntellgħu sabiex ikun ċar għal kulħadd li l-post kien fair comment dwar persuna politika.

Neħħejtu b’rispett però jekk se jkun hemm min juża dan r-rispett biex jispekula b’mod malizzjuż u qarrieqi mhux se jkolli diffikultà nerġa’ ntellghu għax il-post huwa fair comment dwar persuna politika u pubblika.

F’dan l-pajjiż kulhadd jaf min għamel snin ixerred l-ħdura u l-mibegħda u dan jien mhux talli mhux se nagħmlu talli nikkundannah.

Nerġa’ nagħti l-kondoljanzi.