Il-bieraħ ktibt dwar aħbar li ħarġet fuq Net News li kienet tirrigwarda l-Eks Viċi Kap tal-Partit Nazzjonalista Tonio Borg.
Dan minn naħa tiegħu ppreżenta kopja tal-ktieb “The Constitution at Sixty” lill-Professur Augusto Barbera, il-President tal-Qorti Kostituzzjonali Taljana.
Meta nisma’ u naqra dawn l-stejjer nibqa’ mistgħaġeb b’kemm ċertu esponenti tal-PN ma jafux jistħu.
Sinuri, ftakru li għal snin twal, Dr. Tonio Borg serva ta’ Ministru għall-Ġustizzja kif ukoll Ministru għall-Intern.
X’għamel Tonio Borg meta kien jokkupa dawn il-karigi?
Mhux talli ma għamel xejn li ma għamilx xi predeċessur tiegħu, talli għandu ċ-ċinturin f’idejh għall-istat diżastruż li fih ħalla l-Ġustizzja u l-Intern.
Missu jekk hu raġel ta’ unur, jew jinħeba’ jew inkella jaqbad jikteb ktieb oħxon bir-riformi li m’għamilx. Nassigurakom li għaxar volumi jimla’‼️
Dr. Tonio Borg, kont nagħmlek aktar ġenwin. Ikteb ktieb dwar ir-riformi li ċaħħadt lil pajjiż għal snin sħaħ.
Int għandek titlob apoloġija pubblika għal dawk is-snin twal li ħlejt a skapitu tal-Ġustizzja u l-Kostituzzjoni.
Dan sabiex il-poplu ma jinsiex…