Ipokrezija tal-PN (4) : ĠeĠe Gatt

Kumpaniji ta’ iben l-eks Ministru Austin Gatt ingħataw b’€113,000 f’kuntratti mill-gvern ta’ GonziPN. Giuseppe Giovanni Gatt, jew kif inhu magħruf ĠeĠe Gatt għandu żewġ kumpaniji ICON u Muovo, bl-ewwel waħda tispeċjalizza fl-iddisinjar ta’ siti elettroniċi u t-tieni kumpanija hija aġenżija fil-qasam tal-impjiegi.

Fl-2008 minn Ministeri u entitajiet governattivi Gatt tħallas aktar minn €39,000. Fl-2009 tħallas mat-€30,000, fl-2010 aktar minn €13,000, fl-2011 u fl-2012 aktar minn €29,000. Mill-2008 sa Marzu tal-2013 il-kumpaniji tat-tifel ta’ Austin Gatt ingħatat 78 biċċa xogħol mill-gvern ta’ GonziPN.