Onor. Chris Bonett,
Qed nerġa’ nindirizza lilek fil-kariga ta’ Ministru għat-Trasport, l-Infrastruttura u x-Xogħlijiet Pubbliċi.
Mela lkoll naqblu li Steve Ellul wieġeb lil The Times “li għandhom wisq xogħol biex jagħtu lista sħiħa tat-toroq li saru.”
Il-bieraħ ippubblikajt Mistoqsija Parlamentari biex nurik lilek bħala Ministru responsabbli kif tali mistoqsijiet kienu jiġu mwieġba fi żminijiet oħra meta Infrastructure Malta ma kienitx immexxija minn Steve Ellul u lanqas ma kienet taqa’ taħt ir-responsabbiltà tiegħek.
Qed inġib għall-attenzjoni tiegħek aktar Mistoqsijiet Parlamentari forsi fl-aħħar tibda tifhem kif kienu jwieġbu ta’ qablek u tifhem ukoll kif għandha tkun tweġiba professjonali.
Aqra, itgħallem u aġixxi.
Chris Bonett, Steve Ellul għandu jerġa’ jmur lura għand The Times u jagħtihom tweġiba sura ta’ nies. Nesiġi trasparenza minnek. M’għandekx fejn iddur għax ir-responsabbiltà hi kollha fuqek.
Hekk għandhom ikunu it-tweġibiet. Tibqgħux tagħmlu ħsara lill-Gvern.
