PAWLU PACE: JIMPJEGA LILU NNIFSU, JIMPJEGA LIL NATHALIE MANCHÈ U JKEĊĊI LIL JOSEPH AQUILINA

Sur Pawlu Pace,

Int li mort tiffirma il-ftehim kollettiv il-ġdid f’isem il-membri tal-MUMN,

1. Veru li sena u tliet xhur ilu, Pawlu Pace tal-MUMN, int tagħtek rasek u ridt tirregolarizza l-pożizzjoni tiegħek?

2. Veru li biex tagħmel dan, applikajt biex tiġi rilaxxat uffiċjalment mal-MUMN?

3. Veru li l-MUMN kellha diġà rilaxxat magħha ċertu Joseph Aquilina?

4. Veru li int itterminajt ir-rilaxx ta’ Joseph Aquilina biex dħalt minfloku?

5. Veru li dan ifisser li tajt impjieg lilek innifsek a skapitu ta’ ħaddieħor?

6. Veru li din ma kienitx l-ewwel irregolarita’ li twettqet?

7. Veru Sur Pawl li teżisti impjegata fantażma mal-MUMN?

8. Veru li dan l-impjieg fantażma tajtu int lil Nathalie Manchè, mart Alexander Manche – teżorier tal-MUMN?

9. Veru li din Nathalie qatt ma tattendi xogħol, bħalma ma kontx tattendi int mal-Gvern, u veru li din Nathalie ma tagħmel l-ebda xogħol minn imkien iehor?

10. Veru li dan it-taparsi impjieg hu marbut ma proġett tal-Unjoni Ewropeja?

11. Veru li s-salarju ta’ Manchè qed jiġi rimborzat lill-MUMN mill-Unjoni Ewropea?