Sur Galea,
Illum se nindirizza lilek u nitolbok terfa’ ir-responsabbilta’ u ma tħallix aktar lil Pawlu Pace iniżżel miegħu lill-MUMN, jekk mhux lilek miegħu wkoll.
Se nkun qed nagħmillek biss ftit mistoqsijiet u nispera li twiegeb, jekk mhux għas-sodisfazzjon tiegħi, tal-anqas b’rispett lejn il-membri li tirrappreżenta.
Jekk imbagħad tagħżel li ma tweġibx, eżatt kif qed jagħmel Pawlu Pace, allura l-membri se jibdew jitħassbu jekk int intix imdaħħal ukoll fit-taħwid.
1. Il-każi ta’ abbuż sfaċċat ta’ skartar sistematiku, serq minn overtime bla rażan li qatt ma sar u serq ta’ on-call allowances minn Pawlu Pace, qatt ġew diskussi fl-organi tal-MUMN u mal-membri?
X’ iddeċidejtu? Iddeċidejtu li torbtu d-destin tagħkom ma ta’ Pawlu Pace?
2. In-negozju mudlam tal-kwartier l-antik tal-MUMN fil-Mosta, qatt tajtu id-dettalji kollha dwaru lill-membri għall-attenzjoni tagħhom?
3. Tiċħad li taf ħafna dwar l-arranġamenti li kien hemm bejn Pawlu Pace u martu waqt is-separazzjoni u l-intervent dijaboliku li sar biex martu ingħatat residenza fejn toqgħod?
Sur Colin, nafek personalment u nafek ferm differenti minn Pawlu Pace.
Nistenna tweġibiet, għax għada għandi aktar.
