Ivan Camilleri u The Shift

L-isem ta’ Ivan Camilleri ilhu assenti għal tul ta’ żmien wara li kellu numru ta’ każijiet il-Qorti.

Irrispettivament mir-riżultat tal-kawża, nafu min hu Ivan Camilleri. Nafu li għalih, kull min għandhu x’jaqsam mal-Labour jew hu Laburist, huwa ta’ klassi inqas minn tiegħu.

Tajjeb infakkru l-atteġġjament ta’ Camilleri, fejn f’mumenti kien anke uża l-aggressivita’ fiżika sabiex jipprova jieħu li jrid. Illum, l-istess Camilleri inqabad bħala Ghost Writer ma’ The Shift, il-paladini tar-rule of law, u dan ġie iddikkjarat pubblikament.

Iżda ħaġa tal-iskantament kif ismu qatt ma deher fuq il-portal. Bħal donnu jew The Shift ma jriduħx juri wiċċu minħabba l-passat diżgrazzjat li għandu bħala ġurnalist, jew inkella irid jinħeba filwaqt li jkompli jivvomta kontra l-Labour.

The Shift magħrufa mad-dipartimenti tal-kommunikazzjoni tal-Gvern li tpoġġi numru ta’ mistoqsijiet taħt il-Liġi tal-Freedom of Information, propju l-istess tattika li kien jieħu bosta drabi meta kien ġurnalist tat-Times. Bosta dipartimenti tal-Gvern qegħdin jerċievu l-istess tip ta’ rikjesti, imma mhux iffirmati minn ġurnalist partikolari.

Haġa waħda żgura – The Shift m’huma xejn ħlief il-porta voce tal-għaqda Repubblika mmexxija minn Nutar tal-Knisja, l-istess għaqda li tikkritika l-Gvern iżda tonqos milli tattakka nies bħal Karol Aquilina għad-diskors li għamel fil-Parlament taħt il-privileġġ Parlamentari. L-istess The Shift u r-Repubblika ma semmiet xejn dwar l-oxxenitajiet ta’ Harbinson u ta’ Samuel Sittlington fil-Qorti.

Bl-inklużjoni ta’ nies bħal Ivan Camilleri li nerġa ngħid, jistħi juri ismu għax ma jemmnu ħadd, The Shift komplew jaqgħu fil-ħama sabiex jivvomtaw il-mibgħeda kontra kull min ma jtihulhomx sħun.

Grazzi tali qed tkomplu tikkonfermaw x’tip ta’ nies inthom u x’inhi l-verita’ wara l-intenzjonijiet tagħkom.