Jista’ jonqos li jqum ukoll l-ex Prim Imħallef Joe Said Pullicino jikkritika lil Gvern.
Għal dawk li ma jafux ngħidilkom biss tlett affarijiet.
Said Pullicino laħaq Prim Imħallef sempliċiment għax kien avukat fl-uffiċċju tal-Mifsud Bonnicijiet (b’ kull rispett lejhom) meta Malta kellha Ministru tal-Ġustizzja u Prim Imħallef aħwa, bil-Kunsill tal-Ewropa jiddeskrivi lil Gvern Nazzjonalista bħala “all in the family jamboree”. Kien ukoll partner ma Demarco and Associates.
Wara li spiċċa Said Pullicino sar l-ewwel Chairman tal-Awtorita’ tax-Xandir imbagħad Ombudsman għaliex kien jitbekka mall-Prim Ministri li l-pensjoni tiegħu ma kienitx biżżejjed.
Kull fejn kien hu mela l-uffiċċji b’ Nazzjonalisti.
Kien il-bniedem li kiteb waħdu r-rapport ta’ inkjesta Caruana Galizia biż-żewġ ġudikanti l-oħra ma jagħmlux xogħolhom u jgħidu tagħhom, iżda sempliciment ibaxxu rashom.
Dulcis in fundo, kif jgħidu l-avukati, Said Pullicino imkien ma kien żvela li kien mar joqgħod fl-istess blokka bini ta’ oħt Daphne fiż-żmien li kiteb l-inkjesta li sawwtet kemm felħet lil Gvern bla l-ebda oġġettivita’.
