Huwa eżatt kif qed jgħid Dr Joseph Muscat. Jiena fil-ġurnata tad-delitt kont il-Lussemburgu għall-General Affairs Council fir-rwol tieghi ta’ ministru għall-Affarijiet Ewropej.
Kif sirt naf li kienet karozza bomba, tkellimt mal-Prim Ministru Joseph Muscat u minnufiħ bdejna l-kuntatt man-Netherlands Forensic Institute (NFI).
L-NFI huma esperti dinjin fuq każijiet ta’ karozzi bomba u Dr Muscat ried li dawn jiġu Malta minnufiħ.
Meta kont ministru responsabbli mil-laboratorji kont ġibt taħriġ mill-NFI – fil-ġbir tal-evidenza fuq ix-xena tar-reat – għall-pulizija tagħna.
Il-pulizija tagħna dan għamluħ b’suċċess, tant li meta nqabdu iż-żewg qattiela fil-każ ta’ Daphne Caruana Galizia, irringrazzjawni għal dan it-taħriġ li qalu kien strumentali għas-suċċess tagħhom biex qabdu l-ħatja f’qasir żmien.
Minkejja dan, ġejna akkużati li għandna d-demm ta’ Daphne Caruana Galizia fuq idejna.
X’qal Dr. Muscat
L-FBI u DCG
“Ħalli niċċara xi ħaġa oħra ħalli ma jkunx hemm min idaħħal flieles.
Wara l-qtil ta’ Daphne Caruana Galizia jien mill-ewwel ikkuntattjajt lill-Gvern Amerikan għall-għajnuna.
Xhieda ta’ dan huma uffiċjali tal-Ambaxxata Amerikana.
Jekk kien hemm xi uffiċjal tal-Korp tal-Pulizija li għamel l-istess ma nafx, avolja suppost konna mmexxu l-korp minn imnieħru skont x’uħud.
Involvejna wkoll lill-Aġenzija Forensika Olandiża, li huma meqjusa fost l-aħjar. Tista’ tikkonfermah Helena Dalli li kienet involuta f’dan.
Min ikollu x’jaħbi mhux hekk jagħmel.”
