Il-Ministru Roderick Galdes għandu żewġ għażliet

Ġimgħa ilu dan is-sit reġa’ fakkar dwar ċertu Edward Mizzi.

Edward Mizzi huwa dak li aħna l-Laburisti niftakruh bħala tal-pizza. Dan wara li kien spalla ma spalla ma Simon Busuttil, dak iż-żmien Kap tal-Oppożizzjoni, meta għamlu show fi Triq ir-Repubblika u ħadu kaxxi li skont huma kienu mimlija evidenza kontra l-Gvern Laburista kif ukoll fuq l-Eks Prim Ministru Joseph Muscat.

Edward Mizzi infamous for his 2018 tirades against the Labour Government

Għal min ma jafx, Edward Mizzi ġej minn familja kbira Nazzjonalista. F’Għawdex magħrufa għall-influwenza politika li bnew tul is-snin.

Wara l-artikli tal-ġimgħa l-oħra, dan is-sit irċieva mijiet ta’ messaġġi ta’ rabja minn Laburisti ġenwini, fosthom ukoll mid-Distrett fejn jikkontesta l-Ministru Roderick Galdes. Iġġib għajnejk wara widnejk b’ċertu messaġġi li rċevejna minn Ħal Qormi b’mod partikolari. Għax in-nies jinnotaw. Malta żgħira u meta tboss jisimgħek kulħadd. U din tgħodd għall-Onor. Galdes ukoll.

Roderick Galdes

U ħa ngħiduha kif inhi; li jkollok taħt ir-responsabbiltà tiegħek persuna li ftit taż-żmien ilu kienet fuq in-naħa l-oħra tissielet b’kull mezz biex twaqqa’ l-Gvern kif ukoll titfa’ l-ħabs lill-Mexxej tal-Partit u l-Prim Ministru tiegħek, mhux normali xejn. Trid tkun veru Ġaħan jew inkella bla ebda rispett lejn dak il-Mexxej li bis-saħħa tiegħu wasalt fejn wasalt.

Barra minn hekk, huwa nuqqas ta’ rispett lejn il-Partit Laburista meta taċċetta li jkollok fit-tmexxija ta’ entità li taqa’ taħt ir-responsabbiltà tiegħek persuna bħal ma hu Edward Mizzi, li sa ftit snin ilu kien jagħmel minn kollox biex ikisser Gvern Laburista.

Li jkollu prinċipji Nazzjonalisti aħna nifhmuh u  naċċettaw. Però mhux normali li jkollok Ministru fil-Gvern komdu bih f’awtorità bhal ma hi l-Awtorità tad-Djar.

Issa l-Ministru Roderick Galdes għandu żewġ għażliet; jew isewwi d-dnub mejjet li ħalla jitwettaq fl-Awtorità tad-Djar, jew inkella jikkonsidra l-pożizzjoni tiegħu. Il- Laburist mweġġa’ u qed iwerżaq.