Semedo, u d-Drittijiet f’għajnejn Metsola u Zammit McKeon

Nhar l-Erbgħa 12 ta’ Marzu, sentenza tal-Qorti tal-Ġustizzja tal-Unjoni Ewropea annullat penali imposti minn Roberta Metsola, President tal-Parlament Ewropew kontra l-eks MEP Monica Semedo. Dan għall-fatt li d-drittijiet tagħha ma kinux rispettati.

Semedo, li ġiet eletta għall-ewwel darba fl-2019, ġiet sospiża għal għaxart ijiem f’April 2023 wara li ex-impjegat għamel lment formali fl-2022 dwar allegat bullying.

Semedo appellat is-sanzjonijiet, billi sostniet li l-proċeduri interni parlamentari kisru d-drittijiet tagħha, partikolarment id-dritt tagħha għal rappreżentanza legali u għall-aċċess ta’ dokumenti relatati.

Semedo

Il-Qorti ddeċidiet favur tagħha u annullat id-deċiżjonijiet adottati mill-President tal-Parlament Ewropew.

Tajjeb li nfakkru kif Monica Semedo kienet imsikkta permezz ta’ email kif ukoll ittra uffiċjali mill-Amministrazzjoni tal-Parlament Ewropew sabiex ma titkellimx jew tikkummenta pubblikament dwar is-suġġett.

Dik it-trasparenza tal-Unjoni Ewropea. Lanqas jirrispettaw id-drittijiet taċ-ċittadini Ewropej, aħseb u ara ta’ ċittadini barra l-Unjoni Ewropea.

Issa tajjeb li nfakkru sitwazzjoni simili f’Malta. Jidher li Roberta Metsola u Zammit McKeon iħaddnu l-istess twemmin.

Għaliex qed ngħid dan?

Għax f’Malta ftit ġimgħat ilu kelna sitwazzjoni simili fejn tinvolvi lill-Eks puppatur Imħallef Joseph Zammit McKeon.

Joe Zammit McKeon

Dan b’rabta ma rapport – rumanz konkluż minnu dwar it-tmexxija tal-Ħabs ta’ Kordin bejn Lulju tal-2018 u Diċembru tal-2021 jiġifieri fi żmien meta l-Kurunell Alex Dalli kien Direttur. Dan ir-rapport, li sar tlett snin wara li Dalli ma baqax Direttur, l- istess Alex Dalli kien ġie mċaħħad minn aċċess sħiħ għall-evidenza kontrih.

Bħalma Metsola illimitat l-aċċess għal evidenza fil-każ ta’ Semedo, Zammit McKeon ċaħħad lil Alex Dalli minn aċċess sħiħ għall-evidenza. L-azzjoni ta’ Metsola ġiet deskritta illegali u inaċċettabbli. U ta’ Zammit McKeon?