Id-Defnisti Dejjem Kontra Malta

Il-Liberties Rule of Law Report 2025 sab li fl-2024, Malta naqset milli tagħmel xi progress sinifikanti. Dan kollu ġie ppublikat f’Rapport ġdid ta’ 600 paġna li jevalwa l-istat tas-Saltna tad-Dritt madwar l-Unjoni Ewropea.

Tgħiduli x taħseb? Diżappuntat?

Mhux talli minix diżappuntat, talli lanqas jien sorpriż. Anzi qatt ma kelli dubju li se joħroġ tali riżultat.

U se ngħid għaliex.

Tafu min hemm wara dan Ir-Rapport? Il-Fondazzjoni Daphne Caruana Galizia.

Il-Fondazzjoni Daphne Caruana Galizia kienet waħda minn 43 organizzazzjoni tad-drittijiet tal-bniedem li tat kontribut għal dan Ir-Rapport fażull.  Dan huwa s-sitt rapport annwali tal-Libertajiet dwar is-Saltna tad-Dritt mill-Unjoni tal-Libertajiet Ċivili għall-Ewropa li ġie mħejji.

Ċuċ min joqgħod fuqu u jikkwotah. Rapporti simili juru biss kemm huma mzazen dawn is-suppost għorrief u paladini tad-Drittijiet tal-Bniedem li kontinwament jaqaw għan-nassa tad-Defnisti. 

Sintendi, ta’ Newsbook kienu minn tal-ewwel li jikkwotawh. Min jaf kemm għorku jdejhom meta wasal għandhom.

Kif qatt jista’ wieħed jieħu bis-serjetà rapport bħal dan meta warajh hemm l-id mhux moħbija tal-Fondazzjoni Daphne Caruana Galizia!

Dawn huma l-istess klikka estrema li flimkien mal-għaqda Repubblika, ta’ kull xahar jinġabru quddiem il-Monument tal-Assedju l-Kbir jivvomtaw kontra l- Labour u l-Gvern Laburista.

Rapport ikkonsmat minn l-istess klikka ta’ nies estremi li l-poplu Malti ilu li warrab mill-2013. 

Il-Fondazzjoni Daphne Caruana Galizia temmen li b’dawn il-manuvri malinni qed timmina isem Malta ma diversi Istituzzjonijiet, fosthom dawk Ewropej. Sa ċertu punt qed jirnexxu. L-ironija hi li dawn l-istituzzjonijiet huma korrotti aktar minn reġimi li kontinwament jiktbu u jaġixxu kontrihom.

Sakemm il-Fondazzjoni Daphne Caruana Galizia jibqgħu il-‘focal point’, Malta mhux se narawha titla’ qatt. Sitwazzjoni simili bħal ma tirriżulta fit-Transparency International. Kollox barra trasparenza.

Lis-sinjuri tal-Fondazzjoni Daphne Caruana Galizia ngħidilhom li l-akbar Rapport li jevalwa l-istat tas-Saltna tad-Dritt f’pajjiżna huwa wieħed; Ir-riżultati fl-Elezzjoni Ġenerali. Fi tlett elezzjonijiet ġenerali minn l-2013, il-poplu iġġudika. L-opinjonijiet u l-manuvri tagħkom huma irrelevanti daqskom.

Tajjeb li nfakkru li Daphne Caruana Galizia Foundation qed jitolbu ħames miljun ewro kumpens mill-Istat relatat mal-qtil tas-Sinjura Daphne Caruana Galizia.

Kumpens ta’ xiex? Talli kienet tirrifjuta fixed point?

Talli kienet ixxerred l-mibegħda?

Talli qatt ma ħallset taxxa?

Talli kellha każ ta’ vjolenza domestika?

Kumpens ta xiex, Sinjuri Caruana Galizia?

Qabel ma tmorru Brussell jew Berlin tippuntaw subajkom lejn il-Gvern Malti, għandkom l-ewwel santissima ħaġa tgħidulhom minn verament kienet l-eroj tagħkom. Imbagħad forsi tibdew tidhru ħarira kredibbli.

Malta l-ewwel u qabel kollox.