Ftit tal-ġranet ilu kont ktibt dwar kif ċertu negozjanti ma kienu qed jieħdu gost xejn bil-mod ta’ kif qed iġġib ruħha Dr. Marthese Portelli bħala Kap Eżekuttiv tal-Kamra tal-Kummerċ.
Sorsi ta’ din is-sit qalulna li l-Kamra tal-Kummerċ, li dejjem pruvat iżżomm ċertu serjetà u preġju, qed tiġi mtappna mill-aġir ta’ Marthese Portelli. Kien hemm min qalilna wkoll li ta’ spiss tipprova tfixxkel lil Gvern, anke billi tipprova tipperswadi organizazzjonijiet jingħaqdu magħha. Issa dawn l-organizazzjonijiet qed jindunaw il-mod partiġġjan tagħha u qed saħansitra iżommu lura minnha. Bil-Malti, kien hemm min qalilna daqshekk ‘tnejjket bina’.
Marthese Portelli kienet anke orkestrat laqgħa, bil-parteċipazzjoni taż-żatat (kif isibuh), ic-Chairperson tal-MCESD, il-Perit David Xuereb, biex jagħmlu laqgħa mal-Oppożizzjoni dwar ir-riforma tal-inkjesti maġisterjali bl-iskop li jdawwru imsieħba oħra kontra l-Gvern. Din il-laqgħa saret imma waqgħu għaċ-ċajt għax ma kważi mar ħadd.
Liż-żatat, il-Perit David Xuereb, ħa nkun dalwaqt qed insaqsih dwar il-Palazz tal-Furjana.
Issa f’dawn ir-ritratti qed taraw lis-security u xufier ta’ Bernard Grech waqt il-protesta tal-bieraħ quddiem il-ġurnalist tal-One. Oħroġ il-għaġeb, dan huwa wkoll il-partner ta’ Dr Marthese Portelli.
Għandi messaġġ għall-Kamra tal-Kummerċ, għan-negozjanti u għall–imsieħba soċjali l-oħra.
Lill-Kamra tal-Kummerċ ngħidilkom li jixraqilkom aħjar, tħallux lil din twaqqakom aktar għaż-żufjett. Lin-negozjanti ngħidilkom li jixraqilkom rappreżentanza aħjar, ftakru li dejjem sibtu l-appoġġ tal-Gvern.
Lill-imsieħba Soċjali l-oħra, ngħidilkom biss Illi għandkom moħħ biex taħsbu u tħallux lil Dr. Marthese Portelli ixxewixkom kontra l-Gvern u tużakom għall- partiġġjaniżmu tagħha.
Għal-lum nieqaf hawn.