Prepotenża, Intransiġenża, Prużunzjoni, Protokoll, Prudenża u l-mewt tal-Arċisqof Cremona

Minn Osservatur Kattoliku mill-Imġarr ta’ Malta   

Ix-xahar l-ieħor meta sar il-funeral tal-mibki Arċisqof Mons. Pawlu Cremona, Dumnikan, qamu ħafna mistoqsijiet minn diversi Kattoliċi prattikanti fil-Gzejjer Maltin dwar min kellu jservi ta’ Prim Ċelebrant fil-Quddiesa tal-Funeral innifsu.

Kien hawn min iddeskriva l-prepotenza ta’ Charles Ġuda Scicluna bħala arroganza li kien il-Prim Ċelebrant hu. Kien hawn min qal li hu bħala persuna ntransiġenti zgur li ma kienx iċedi li l-Prim Ċelebrant ikun il-Kardinal Mario Grech. Kien hawn min stqarr li Scicluna bħala persuna ta’ prużunzjoni ma kienx zgur li jċedi lill-Eminenża Tiegħu Reverendissima Mario Grech biex jippresiedi l-konċelebrazzjoni. Kien hawn min semma’ il-protokoll, jiġifieri x’inhu xieraq u f’postu f’okkazjonijiet bħal dawn filwaqt li oħrajn semmew il-prudenża li kellu jkollu Scicluna billi jħalli lill-Kardinal Mario Grech imexxi l-konċelebrazzjoni hu.

Il-funeral kien ta’ Arċisqof Emeritu li serva fl-Arċidjoċesi llum mmexxija minn Scicluna. Għaldaqstant, hu l-kap tat-territorju Kattoliku li fih sar l-imsemmi funeral. Il-Kardinal Mario Grech minkejja li ġie mill-Vatikan biex espliċitament ikun preżenti għal tali quddiesa, ma ġiex hawn bħala legat tal-Qdusija Tiegħu l-Papa Franġisku. Kieku kien hekk il-każ kien ikun hu li jmexxi l-konċelebrazzjoni. Il-Kardinal Mario Grech ġie hawn minn rajh mingħajr ħadd ma ġgħelu bħala sinjal ta’ rispett lejn l-Arċisqof Pawlu Cremona li miegħu ħadem mill-qrib waqt l-episkopat tiegħu filwaqt li l-Kardinal kien għadu Ragħaj tad-Djoċesi t’Għawdex wara l-mewt tal-Isqof Nikol Ġużeppi Cauchi.

Pawlu Cremona

Filwaqt li f’dawn il-ġranet il-Knisja Kattolika hi hu tgħix il-misteru tal-mewt u l-qawmien ta’ Sidna Ġesu’ Kristu fil-Ġimgħa Mqaddsa, ikun xieraq ukoll għal dan il-portal li jistqarr dejjem dak li hu. Kienet il-ħaġa korretta li saret li l-quddiesa tal-funeral tal-Arċisqof Pawlu Cremona titmexxa mill-Arċisqof Scicluna. Kieku xtaq ukoll, il-Kardinal Mario Grech seta’ għażel li tintrama’ sedja u ġinokjatur f’parti partikolari tal-artal tal-Kon-katidral u flok qaddes ikun qed jipparteċipa xorta iżda minn din is-sedja partikolari. Għażel ta’ bniedem umli li jqaddes u jzomm postu bħala konċelebrant la l-quddiesa ma kienitx qeda ssir fejn għandu s-sedja hu f’Ruma fil-Bażilika ta’ San Kozma u San Damjan bħalma hi prassi li Kardinali partikolari jiġu addetti mill-Papa li jaħtarhom ma’ Bażiliki speċifiċi ġo Ruma.     

Wieħed jittama’ li l-Arċisqof Cremona jkun ta’ ispirazzjoni għall-Kattoliċi Maltin u Għawdxin f’din il-Ġimgħa Mqaddsa biex bħalu jgħixu dak li jemmnu u jemmnu tassew dak kien jemmen hu – valuri ta’ solidarjeta’, prudenża, onesta’, rettitudni u mħabba vera lejn il-proxxmu.