Il-bieraħ filgħaxija instema’ għajjat mir-residenza tan-Nutar tal-Kurja, Robert Aquilina.
Aquilina għandu fixed point tal-Pulizija quddiem id-dar tiegħu, li sema’ dan l-għajjat.
Is-Sinjura Aquilina ħarġet barra l-bieb u n-Nutar Aquilina beda jipprova iżommha ġewwa u jgħid lil Pulizija li ma ġara xejn. Is-Sinjura rnexxielha toħroġ barra u marret għand il-Pulizija li akkumpanjaha l-għassa.
Hija għamlet rapport fejn fiha qalet li żewġha kien sakkarha fil-kamra tas-sodda, beda jheddidha u jsawwatha.
Hija irraportat li Robert Aquilina ilu diversi snin jaġixxi hekk, li hu pussessiv u jikkontrolla dak li tagħmel u lil min tkellem.
Huwa jrid ikun jaf min ċemplilha u kemm -il darba jsakkarha fil-kamra tas-sodda sakemm tagħtih l-informazzjoni.
Bhal f’ kull każ ta’ rapport ta’ vjolenza domestika, sar assessment fuq il-vittma u ġie fi skala li normalment b’ mod awtomatiku l-allegat agressur jittella’ l-Qorti b’ arrest minnufih.
Iżda bi ksur ta’ kull proċedura, il-Magistrat Kevan Azzopardi iddeċieda li ma jsirx dan għaliex dan kien l-ewwel rapport kontra Robert Aquilina.
Agir bħal dan ipoġġi l-vittma f’ periklu ta’ riperkussjoni. Mhux magħruf għaliex intuża’ dan id-double standard man-Nutar tal-Kurja.
Se nkomplu nsegwu l-każ u naghtukom informazzjoni aċċertata li ħaddieħor se jipprova jaħbi.
1 Comment
Gafa zomna infurmati please, pero sa issa milli jider il-kaz ma jinvolvix garar ta fajenza bhall platti, kikri u platini. U ma emm xejn sorpris bid-decisjoni tal-magistrat ta-lassa anzzi ta-linqas hallihom jibatu ghalih.