Issa li wasalna rbaħna l- Monument tal-Assedju u għamilnieh tagħna lkoll, wasal iż-żmien li nfehmu eżattament xi jfisser dan il- Monument għall-elitisti u x’ kienet ir-raġuni għaliex kienu ħatfuh.
Kien fl-2017, meta grupp mdaqqas ta’ estremisti Nazzjonalisti ddeċidew li jbiddlu l-Monument tal-Assedju l-Kbir f’mafkar li jfakkar lil Daphne Caruana Galizia, ir- Reġina tal-Mibgħeda. L- istess nies kienu jiffurmaw parti minn grupp estrem fi ħdan il-PN li wassal lil dan il-Partit isofri telfa massiċċa fl-elezzjoni ġenerali ta’ ftit xhur qabel.
L-istess grupp intebaħ li jekk jirkeb fuq il- karru tal-familja Caruana Galizia u jingħaqad magħhom billi jinqeda bl- omiċidju tagħha, dawn kienu se jrabbu s-saħħa politika li tant ħolmu li xi darba jista’ jkollhom.
Meta wieħed jiftakar il-movimenti tagħhom eżatt wara li ħatfu b’mod illegali l- Monument tal-Assedju l-Kbir, wieħed jinnota kif bdew jissaħħu. F’mumenti minnhom kienu saru b’saħħithom aktar mill-istess Partit Nazzjonalista, minn fejn tnisslu l-għeruq tagħhom. Dan seta’ jsir biss għaliex kellhom l-appoġġ totali tal- Establishment tal-PN. Saħansitra ingħaqdu magħhom għaliex permezz tagħhom setgħu jkomplu jżommu l-poter, l-awtorità u l-kontroll fuq ċertu istituzzjonijiet, fosthom il-qasam tal-Ġustizzja u l- Media.
Inbdew proċeduri fil-Qorti bil-għan li jkollhom kontroll assolut fuq il-monument. Dan kollu sar realtà permezz ta’ sentenza tal-Imħallef puppatur Joe Zammit McKeon.
Hekk jaħdem l-Establishment.
Is-sentenza tal-Imħallef Zammit McKeon hi waħda redikola. Ma hi xejn għajr riċetta għal anarkija.
Kien żball kbir li dakinhar, Gvern Laburista baxxa rasu u m’appellax għal dan is-sagrileġġ nazzjonali.
Sentenza li bidlet lil pajjiżna f’Repubblika tal-Banana.
Sentenza ridikola li ġabet biss tgerfix, għajb u stmerrija.
Issa, li l-Monument m’għadux maħkum mill-klikka estrema tad-Defnisti, u reġa ġie f’idejn il-poplu, il-faxxiżmu f’pajjiżna sofra daqqa kbira. Daqqa li weġġħet ukoll lill- establishment li tant iddefenda u appoġġja lil din il-klikka.
Ibqgħu ftakru – is-saħħa tal-klikka estrema ffurmata mill-Elitisti kienet ġejja kollha mill- Monument tal-Assedju l-Kbir. Illum, Awwissu 2025, il-klikka faxxista li tant kienet rabbiet saħħa, tinsab għarkobbtejha.
Id-daqqa mortali jieħduha ftit xhur oħra, meta l- Partit Laburista jerġa jingħata mandat qawwi fl-elezzjoni ġenerali.
