Waqt il-velja li tfakkar il-memorja ta’ Daphne Caruana Galizia li nżammet is- Sibt filgħaxija, filwaqt li kien hemm tgħawwiġ ta’ ħalq għaliex litteralment ma jafux jitkellmu bil-Malti, bħal dejjem qabdu mas- soltu retorika – korruzzjoni tiela u nieżla.
Segwejta kollha, mhux għax ma kellix x’ nagħmel aħjar. Iżda ridt nara jekk dawn in-nies ġenwinament huma kontra l- korruzzjoni, tiġi minn fejn tiġi.
Vicki Ann Cremona
Oħroġ ‘il għaġeb, każ skandaluż bħal dak li kelna ġimgħa ilu, għal ta’ Repubblika u l- Prof. Vickie Ann Cremona mhux ta’ importanza.
Ġimgħa ilu, Francine Farrugia, kunsilliera tal-Partit Nazzjonalista fis-Siġġiewi, ġiet mixlija b’ħasil ta’ flus u frodi.
Farrugia ġiet mixlija quddiem il- Maġistrat Nadine Sant Lia li wettqet dan ir-reat bejn Settembru tal-2023 u Lulju tal-2025, fil-funzjoni tagħha bħala manager fid-dipartiment tal-accounts fl-MCAST.
Francine Farrugia
Iżda Repubblika ma jistgħu qatt jitkellmu dwar Francine Farrugia, għaliex din hija waħda minnhom – Defnista bħalhom.
Francine Farrugia kienet attendiet għall-ftuħ tal-uffiċċju tal-Fondazzjoni Falcone fis-Siġġiewi mmexxija minn Robert Aquilina.
Francine, Robert, Daphne: The Holy Trinity of Hate, Crime, and Lies
Robert Aquilina kien l- ewwel President tal- għaqda Repubblika, għaqda iżgħar minn każin tal-banda tar- raħal, u allura id- Defnisti mhux se jażżardaw isemmugħa, għax ikunu qed jattakkaw waħda minn tagħhom.
Bħall-eroj tagħha, Farrugia spiċċat il-Qorti, f’dan il-każ dwar ħasil tal-flus.
Daphne Caruana Galizia ma kienetx tħallas taxxa.
Min ma jħallasx taxxa qed ikun hemm każijiet li l-Pulizija tressqu akkużat b’ ħasil ta’ flus.
Nafu li Daphne Caruana Galizia ma kienitx tħallas taxxi u għalhekk illum dak jista’ jfisser ħasil ta’ flus. Eżattament kif qed tiġi akkużata Francine Farrugia.
Bl- omerta’ tagħha, Prof. Cremona ikkonfermat l- ipokrezija tagħha u tal- għaqda fażulla li tirrappreżenta. L- importanti li jiltaqgħu darba fix-xahar quddiem il- Monument tal- Assedju l-Kbir u joqgħodu jattakkaw lil Joseph Muscat, Robert Abela u l- Gvern Laburista.
Robert Aquilina
U bil-ħaqq għax kont se ninsa. Fl-ebda waqt ma kkundannaw lil Robert Aquilina, dak li xahrejn ilu tressaq il-Qorti akkużat bi vjolenza domestika u arrest illegali ta’ martu. Ebda kelma ta’ solidarjetà mal-povra martu, dik li għaddiet snin ta’ kalvarju fis-silenzju. Mara li sar risk assessment fuqha u rriżulta high risk għas- sigurtà tagħha.
Jekk xi darba kienu meqjusa bħala għaqda kredibbli, illum ta’ Repubblika u dawk it- tużżana ta’ madwarhom ikkonfermaw li huma nies bla sinsla b’ aġenda waħda – dik li jattakkaw lil dak kollu li huwa Laburist.
