Mark Anthony ‘stalletti’ Sammut, id -Deputat Nazzjonalista favurit mid-Defnisti, kif ukoll id- Deputat Nazzjonalista Joe Giglio, kienu fetħu lment mal-Kummissarju għall-Istandards rigward każ li fih Bonett kien għamel użu b’mod mhux ġust mill-għodda tal-Istat, f’dan il-każ billi uża d-Dipartiment tal-Informazzjoni għal stqarrija ta’ propaganda partiġjana.
Mark Anthony Sammut
Oħroġ ‘il għaġeb, il-Kummissarju għall-Istandards laqa’ l-ilment tagħhom u sab lill-Ministru Bonett ħati bi ksur ta’ etika.
Imbierek Alla kemm sirna touchy taħt il- Gvern tal-Labour. Kulħadd nesa’ l- ħniżrijiet li kien jsiru matul 25 sena ta’ Gvernijiet Nazzjonalisti, fejn ma kien hemm ebda indipendenza bejn Gvern u Partit.
Tajjeb li nfakkru min huma dawn iż-żewġ verġni Deputati Nazzjonalisti.
Mark Anthony Sammut huwa backstabber magħruf kemm ma sħabu kif ukoll f’Tal-Pietà għax kien hu li daħħal is-sikkina f’dahar Adrian Delia meta neħħewh.
Iżda barra l-Kap tiegħu, laqqatha wkoll sieħbu tad-Distrett Dr. Jason Azzopardi. Mark Anthony STALLETTI Sammut immina kemm felaħ lil Jason Azzopardi.
Dan is-sit kien minn tal-ewwel li ħareġ bl-aħbar li d-Deputat Nazzjonalista Ivan Bartolo kien fil-proċess li jirreżenja.
Mela f’Gunju tal-2024, STALLETTI kien mar jigri fuq Ivan J Bartolo. Dan meta Ivan J Bartolo tas-6pm kien qed jgħid ma kulħadd li kien se jirriżenja dak ix-xahar. Dakinhar, Mark Anthony Sammut ħeġġu u għamillu premura biex ma jirriżenjax għax inkella jitla’ Jason Azzopardi minfloku.
Minn naħa l-oħra, Joe Giglio għandu ħafna xi jwieġeb in konnessjoni ma Rakhat Aliyev u Elnara Shorazova. Kien hemm ħafna transazzjonijiet suspettużi li jinvolvu lil Joe Giglio u martu Jeanine avukat ukoll.
Dan kollu jinsab f’inkjesta. Waħda mil-ħafna domandi li se nkunu qed nagħmlu lil Dr Giglio hija dwar transazzjoni li għamlet martu ta €787,000 fil-Valartis Bank fil-Lussemburgu.
Jekk dawn l- oqbra mbajjda qed jistennew apoloġija mingħand il- Ministru Chris Bonett, allura veru għandhom wiċċhom infurrat bil-ħara.
Chris Bonett, titlobx apoloġija għax flok facebook użajt il-Ministeru u ħriġt stqarrija.
Il- Gvern Laburista għandu jibda juri snienu ma dawn il-qatta Fariżej.
