Għaddew jumejn mindu ħarġet l-aħbar dwar is-serqa ta’ sitt elef ewro mill-Qorti ta’ Għawdex.
Ħaġa tal-iskantament, ebda reazzjoni mill-Partit Nazzjonalista.
Ebda reazzjoni mill-Kelliem Ewlieni tal-PN.
Ebda reazzjoni mill-media indipendenti.
Is-soltu kif ifeġġ skandlu simili lanqas jilħqu jgħaddu ftit minuti mill-aħbar li ma tarax attakki kkordinati kontra l-Gvern Laburista kif ukoll min imexxi dik l- istituzzjoni li fiha jkun seħħ xi skandlu.
Fil-passat, mhux tant il-bogħod, meta ġew nieqsa jew misruqa oġġetti fil-Qorti tal- Ġustizzja f’Malta kienu qamu l-irwiefen kollha. Però din id-darba, għaliex din is-serqa ta’ 6,000 Ewro seħħet fil-Qorti ta, Għawdex, ħadd ma fetaħ ħalqu.
Inkluż il-Partit Laburista u l-mezzi tal-komunikazzjoni tiegħu.
Il-Ħadd kont nippretendi li ġurnalisti tal-One News imorru jiġru wara l-Kap tal-Partit Nazzjonalista Alex Borg u jistaqsuh x’jaħseb dwar dan l-iskandlu. Kienu kapaċi jikkwotawh fuq ħmerijiet li qal matul il-jum tal-Ħadd iżda fl-ebda waqt ma ppruvaw jaffrontawh dwar din is-serqa.
Dan is-skiet mill-Partit Laburista se jibda jirrifletti ħażin fuqu stess.
Jonathan Attard
Deċiżjoni f’waqtha mill- Ministeru għall-Ġustizzja u r-Riforma tas-Settur tal-Kostruzzjoni, meta tard is-Sibt filgħaxija ħabbar li inħatar Bord Amministrattiv biex jirrevedi l-proċeduri tal-kustodja tal-esibiti fil-Qorti ta’ Għawdex. Infetħet ukoll inkjesta Maġisterjali.
Dan is-sit se jkompli jisħaq li l-poplu għandu jkun infurmat b’dak li ġara. Għandu jkun infurmat ukoll dwar min hi l-persuna responsabbli.
