Qrajt dak li kellu xi jgħid Adrian Delia dwar l-overpopulation.
Iżda qabel ma niġi għall-kuntest ta’ dan l-artiklu tajjeb li nfakkru lill- qarrejja kemm hu ħmar.
Ftit wara li bdiet il-kampanja għal ħatra ta’ Kap ġdid tal-Partit Nazzjonalista, Adrian Delia ħafer lill-establishment u fforma koalizzjoni magħhom bil-għan li jerġa’ jilħaq Kap tal-Partit Nazzjonalista.
Pożizzjoni li kienet se tkun ta’ serħan finanzjarju għalih. Għax għandkom tkunu tafu li kieku Delia ġie maħtur Kap, il-Partit Nazzjonalista kien se jkollu jħallas għal manteniment ta’ martu u ta’ uliedu. Dan is-sit kien saħansitra għamel il-kalkoli u kien wera’ biċ-ċar li l-paga ta’ Kap tal-Oppożizzjoni ma kienetx se tkun biżżejjed għal Delia.
Adrian Delia se jibqa’ magħruf bħala wieħed mill-aktar politikanti ħmir fejn tidħol strateġija politika. Fl-istess waqt se jibqa’ mfakkar għal kapaċità politika li waslitu jagħmel lilu nnifsu irrelevanti.
Għaliex qed ngħid dan?
L-Establishment Nazzjonalista kif ukoll l-estremisti kellhom pjan – dak li jgħinu lil Delia jilħaq Kap għal dawn il-ftit xhur, imorru bih għall-elezzjoni ġenerali, biex wara telfa oħra jeħilsu minnu darba għal dejjem. B’hekk l-Establishment ikunu reġgħu pattewhielu u fl-istess waqt ħelsu minnu darba għal dejjem. Ta’ ħmar li hu, dan kollu Delia ma raħx ġej, u spiċċa nqela’ f’żejtu.
Ġara li Alex Borg laħaq Kap tal-Partit Nazzjonalista. B’hekk b’dan ir-riżultat, Delia spiċċa irrelevanti u fl-istess waqt ħelsu minnu bosta xhur qabel ma kien ippjanat.
Lura għal dak li qal dwar l-overpopulation.
Adrian Delia qal li huwa “tat-tkexkix” li skont hu hemm aktar barranin milli Maltin f’sitt postijiet madwar Malta.
Iżda oħroġ -il għaġeb, dan l- avukat u politikant fallut għandu persuna barranija tnaddaflu ir-residenza tiegħu.
Hawn se nagħmillu xi mistoqsijiet ;
Dr. Delia, huwa minnu li dan ir-ritratt huwa tar- residenza tiegħek?
Jekk iva, huwa minnu li l-persuna li tidher f’dan ir-ritratt tnaddaf fir-residenzja tiegħek hija ta’ nazzjonalità barranija?
Issa, minn dawn il-barranin li int iddeskrivejt “tat-tkexkix”, int se tagħti eżempju u tkeċċi lil dik il-persuna li tiġi tnaddaflek darek?
La qalbek tant taħarqek għal pajjiżna!
Aħna l-Laburisti nirringrazzjawh għal kull darba li jiftaħ ħalqu, għax Adrian Delia huwa l-aqwa ‘asset’ għal Partit Laburista.
