Għal kważi nofs seklu, organizzajonijiet kriminali jew kif inhuma msejjħa ‘drug cartels’ Sud Amerikani xerrdu l-vjolenza u t-terrur fl-Istati Uniti u l-Emisferu tal-Punent.
L-għan tagħhom dejjem kien li jiddistabbilizzaw in-nazzjonijiet, jgħarrqu l-Istati Uniti bid-drogi u l- kriminalità. Permezz ta’ qtil, stupru, u vjolenza, jiddominaw it-traffikar fil-fruntiera u jaħkmu partijiet tal-Messiku qishom gvernijiet paralleli.
Jipperikolaw il-ħajjiet ta’ ċittadini komuni, is-sigurtà nazzjonali, u l-ordni reġjonali. L-inkursjonijiet tagħhom fl-Istati Uniti joħolqu theddida intollerabbli.
Il-mossa tal-President Trump fil-Venezwela tiftaħ il-bibien għal attakki militari jew operazzjonijiet speċjali fil-Messiku. Quddiem dan ix-xenarju, il-President Amerikan għandu żewġ għażliet dwar il-Messiku;
– iġiegħel lill-Messiku jintervjeni. Iżda personalment nemmen li huwa tard wisq.
– isejjaħ operazzjoni militari fuq il-Messiku.
Tajjeb li nfakkru li Trump diġà tkellem dwar intervent militari fil-Messiku.
Xi tkun id-deċiżjoni ta’ Donald Trump, nemmen li tkun waħda ġusta u ġustifikata għal ġid mhux biss tal-poplu Amerikan iżda għad-dinja kollha.
