It-Tlieta wara nofsinhar, Lovin Malta irrapportaw kif Ungeriż ta’ 30 sena ġie arrestat wara li nqabad inaqqax numri fuq ġebla fit-Tempji tal-Ġgantija f’Għawdex.
L-istess rappurtaġġ jgħid li l- ‘akkużat’ ammetta l-ħtija u ngħata sentenza ta’ sentejn priġunerija sospiżi għal erba’ snin, li hija l-massimu permessa fil-liġi Maltija.
Sorsi fil-Korp tal-Pulizija li tkellmu ma dan is-sit infurmawna li għalkemm l-Ungeriż ġie arrestat, dan għadu lanqas biss tressaq il-Qorti, aħseb u ara kemm ammetta u ngħata sentenza sospiża.
L- istess sorsi qalulna li l-Ungeriż għandu jitressaq il-Qorti l-Erbgħa wara nofsinhar.
Dan huwa l-ġurnaliżmu professjonali li tant jiftaħru bih Lovin Malta.
