Bħala Chairperson tal-Kumitat Permanenti għall-Edukazzjoni, komplejt bid-diskussjoni dwar il-bullying u s-sigurtà fl-iskejjel.
Dan huwa suġġett li jolqot direttament lit-tfal, lill-ġenituri u lill-edukaturi tagħna. Il-ħidma trid tibqa’ ffukata biex noħolqu ambjent sigur u pożittiv għal kull student, kemm ġewwa l-klassi kif ukoll barra minnha.
Għandu jkun hemm qafas speċjali għall-minorenni b’enfasi fuq ir-riabilitazzjoni u l-edukazzjoni. Fl-istess ħin, f’dan il-kuntest irridu nistaqsu mistoqsija importanti: wasal iż-żmien li niddiskutu jekk l-età tar-responsabbiltà kriminali għandhiex titnaqqas għal 12-il sena?
