Minn Kontributur
L-Iran attakka bażi militari fl-Oċean Indjan minn distanza li taqbeż l-4,000 kilometru. Żvilupp li għandu implikazzjonijiet strateġiċi serji.
Skont rapport ta’ The Wall Street Journal, il-mira kienet il-bażi Amerikana fuq il-Gżira ta’ Diego Garcia. Ġew użati żewġ missili: waħda minnhom falliet il-mira, filwaqt li t-tieni ġiet interċettata minn destroyer Amerikan qabel laħqet id-destinazzjoni tagħha.
Il-fatt li l-Iran għandu missili li jlaħħqu distanza ta’ aktar minn 4,000 kilometru toħloq dimensjoni ġdida fil-perċezzjoni tas-sigurtà globali. Dan mhux biss att tekniku, iżda messaġġ strateġiku: li ċerti spazji li darba kienu meqjusa ‘l bogħod u siguri issa jinsabu fil-firxa.
Għall-Ewropa, dan huwa żvilupp inkwetanti ferm. Jindika b’mod ċar li l-ġeografija tradizzjonali tas-sigurtà qed tinbidel, u li territorji li kienu barra mill-kalkolu dirett issa jistgħu jsiru parti minn xenarju ta’ deterrenza jew anke konfront.
Fi kliem ieħor, il-messaġġ mhuwiex biss militari. Huwa psikoloġiku u politiku. U forsi, proprju għalhekk, huwa aktar qawwi mill-att innifsu.
