Il-Prosekuzzjoni ħajt ta’ kenn għall-esperti maħruba?

Il-Ġimgħa tkompliet tinstema’ l-kawża tal-Vitals. Is-sorpriżi minn naħa tal- Prosekuzzjoni jew mix-xhieda tagħhom ma jispiċċaw qatt.

Fatt importanti li spikka waqt is-seduta kien li l-Prosekuzzjoni talbet għal divjett fuq is-somom li tħallsu lill-esperti individwali. Iġġib għajnejk wara widnejk.

Talba bħal din tkompli tqajjem suspetti kbar u żżid l-ispekulazzjonijiet li diġà hemm. Il-Prosekuzzjoni qed  tagħti l-impressjoni li qed tagħmel minn kollox biex tiddefendi dawn is-suppost esperti li ħadu l-flus u ħarbu.

Però minn naħa l-oħra ħadd ma hu sorpriż għax ħarġu pastażati kbar.

Minn naħa tagħha, il-Qorti qalet li din l-informazzjoni hija fl-interess tal-pubbliku u ċaħdet it-talba tal-Prosekuzzjoni.