L- Onor. Alex Borg, il-bikkej ta’ Għawdex reġa’ bewwel għajnejh. Jidher li l-fatt li għamilt mistoqsijiet dwar ommu, persuna fiċ-ċivil, xejn ma ħa pjaċir.
Issa qed jhedded bil-Pulizija. Iridni mmur nagħmel rapport lill-pulizija. Rapport dwar x’hiex? Dwar mistoqsijiet indirizzati lis-Sinjura Mary Debono Borg, Direttur Ġenerali tal-Qorti tal-Ġustizzja f’Għawdex?
Hekk sirna issa, ħadd ma għandu dritt jistaqsi? Jien bħala ċittadin għandi kull dritt nistaqsi lil kull persuna fiċ-ċivil, inkluż lil Dr. Debono Borg li tiġi omm dan il-vavu. Id-dmir tagħha huwa li twieġeb għal mistoqsijiet indirizzati lilha. Tikkonferma jew tiċħad. Xejn inqas u xejn aktar.
Tafu x’inhi d- differenza bejni u bejn Alex Borg? Li hu jinħeba wara l-privileġġ Parlamentari biex jitkellem dwari. Beżżiegħ. Jien nitkellem barra.
Jien nistaqsi pubblikament fuq il-mezzi soċjali. Għax huwa dritt fundamentali tiegħi li nistaqsi, speċjalment persuna fiċ-ċivil mħallsa mit-taxxi tal-poplu. Infakkar lil dan il-bikkej x’ kiteb dwari xhur ilu:
“Sirt naf li s-Sur Gafa’ mar minn skrivan l-Airmalta għal espert fir-relazzjonijiet dubjużi fil-Libja, għal impjegat fl-FMS, għal apoloġista ta’ Gvernijiet korrotti lokali u internazzjonali u issa mill-aħħar job description jidher li hu ġurnalist investigattiv.”
Onor. Borg, għandi nagħmillek rapport lill-pulizija dwar l-allegazzjonijiet li għamilt dwari li jien “apoloġista ta’ Gvernijiet korrotti lokali u internazzjonali?”
X’ridt tgħid biha din?
Għall-liema Gvernijiet Internazzjonali qed tirreferi?
Isa rabbi l-kuraġġ u semmi liema huma dawn il-Gvernijiet Internazzjonali?
Trid nagħtik ultimatum bħal ma int tajt lili? Sewwa qallek il- Prim Ministru – PULĊINELL.
Qabel ma nikkonkludi, ser nerġa’ ngħidlek dak li għidtlek dwar missierek tlett ġimgħat ilu. Missierek kien xempju tal-irġulija. Ġieli qattajt siegħat sħaħ nitkellem miegħu. Ma kienx iħossha bħalek. Għadek vavu.
