F’Malta għandna puppatur eks Prim Imħallef li b’daqqa ta’ pinna għoġbu jbiegħ il-Monument tal-Assedju l-Kbir.
Minn Ottubru 2017, permezz ta’ sentenza ridikola tal-Imħallef Joe Zammit McKeon, il-monument spiċċa stuprat mill-klikka tad-Defnisti u litteralment ġabuh miżbla. Is-sentenza tal-Imħallef Zammit McKeon hi waħda redikola. Ma hi xejn għajr riċetta għal anarkija.
Il-Monument tal-Assedju l-Kbir, qabel jerġa’ jsir ta’ kulħadd, issa sar post ta’ protesta favur u kontra Daphne. Għall-ewwel darba f’seba’ snin, permezz tal- Kampanja: “Il-Monument tal-Assedju l-Kbir Huwa Tagħna Lkoll”, rajna l-Monument tal-Assedju jinbidel. M’għadux il-mafkar ta’ Daphne iżda l-mafkar ta’ kontriha wkoll. Wassalna l-messaġġ dwar min verament kienet Daphne Caruana Galizia.
Sadanittant, kif ħabbarna jumejn ilu, dan is-sit se jkompli bil-kampanja “Il-Monument tal-Assedju l-Kbir Huwa Tagħna Lkoll”. L-Erbgħa filgħodu erġajt ġejt neżerċita d-dritt tal-libertà tal-espressjoni fuq il-monument tal-Assedju fil-kampanja tiegħi u tagħkom biex dan il-monument nazzjonali jerġa’ jsir tagħna lkoll.
Jekk il-klikka estremista ta’ Daphne jaħsbu li se nkunu qed nieqfu nofs triq f’din il- kampanja, allura qed jiżbaljaw bil-kbir. Jekk huma għandhom dritt tal-libertà tal-espressjoni, għandu l-istess dritt kulħadd inkluż jien u intom.
Dak il-monument se jerga’ jsir ta’ kulħadd. Il-monument tal-Assedju l-Kbir huwa tagħna lkoll.
