Skont id-Defnisti, l-Kummissarju preżenti mhux tajjeb u dejjem jattakkawh. Huma xtaqu floku lil eroj tagħhom Keith Arnaud imma ma rnexxielhomx.
Mela kemm kienu tajbin il-Kummissarji l-oħrajn jekk dan mhux tajjeb?
George Grech kellu jirriżenja minħabba l-iskandlu tal-Pollakka li akkużat bi stupru. Imma dwar dan darb’ oħra.
Warajh ġie John Rizzo.
Kemm-il darba tressqu l-Qorti l- aħwa Degiorgio sakemm dam Kummissarju Rizzo?
John Rizzo
Mill-google searches li għamilt sibt li fil-11 il-sena li dam Kummissarju Rizzo, l-aħwa Degiorgio qatt ma tressqu l-Qorti fuq affarijiet kbar.
Qabel John Rizzo, kien tressaq Alfred Degiorgio fuq hold-up ta’ miljun ewro. Wara li spiċċa John Rizzo, l-aħwa Degiorgio weħlu iktar minn tmenin sena ħabs.
Iżda waqt li kien Kummissarju John Rizzo kif marru l-aħwa Degiorgio?
Nahseb marru tajjeb u naħseb li l-imperu tagħhom issaħħaħ. Qabel sar hu kienu diġà qed jagħmlu l-hold ups għax tressaq wieħed minnhom fis-sena 2000.
Taħt John Rizzo l-kriminalità tant kienet faret li fis-sena 2012 bdew joqtlu lil xulxin f’omicidju wara ieħor.
Lid-Defnisti qed nistaqsikom – fuq kemm kawżi serji tressqu l-Qorti l-aħwa Degiorgio sakemm Rizzo kien Kummissarju?
Tinsewx li l-aħwa Degiorgio kellom fama ta’ Nazzjonalisti akkaniti.
