Il-bieraħ dan is-sit żvela kif wara l-inċident li nqala’ waqt il-festa ta’ San Pawl Nawfraġju, il-Belt Valletta, bejn tifel Laburist Massimo Zammit u wieħed minn taċ-Ċorma, il-Kap tal-Oppożizzjoni Alex Borg ltaqa’ personalment mal-vittma fid-Dar Ċentrali, tal-Pietà.
Sorsi mid-Dar Ċentrali qalulna li din il-laqgħa mitluba minn Alex Borg saret il-Ħamis 11 ta’ Frar għal ħabta tal-ħdax ta’ filgħodu. Dan ifisser inqas minn 24 siegħa wara l-inċident.
Massimo Zammit
Dan huwa skandlu. Għaliex Alex Borg kellu jiltaqa’ ma Massimo Zammit, meta l-Pulizija kienu qed jippreparaw biex iressqu l-Qorti lil ħu s-segratarja privata tiegħu? Biex ibagħbas il-proċeduri?
Mhux mifhum għaliex il-Kap tal-Oppożizzjoni deherlu li għandu jiltaqa’ mal-vittma, meta skont ħafna li kienu preżenti saħqu li l-motiv li wassal għall-inċident ma kienx wieħed politiku.
Għaliex dan l-interess kollu mill-Kap Nazzjonalista?
Din l-imġieba aċċettabbli?
Jista’ jkun li l-Kap tal-Oppożizzjoni jaf oltre milli ġie irrappurtat fuq il-mezzi tax-xandir?
Dr. Mario Mifsud
Dan l-avviċinament ġie żvelat fil-Qorti mill-avukat Mario Mifsud li kixef l-aġir skandaluż ta’ Alex Borg.
Komplu segwu dan s-sit.
