Iżrael Taħt Mewġa ta’ Missili u Tensjoni Interna

Skont rapporti li qed joħorġu minn ġewwa Iżrael, b’mod partikolari minn Tel Aviv u Haifa, is-sitwazzjoni tidher li qed tmur lejn tensjonijiet interni serji, b’indikazzjonijiet ta’ diżubbidjenza ċivili u xquq fid-dixxiplina militari.

Meta aktar minn 200 binja intlaqtu u spiċċaw terrapien, kif ukoll is-sistema ta’ difiża Iron Dome tidher li ma laħqitx l-aspettattivi f’ċerti attakki, huwa naturali li parti mill-pubbliku tibda titlef il-fiduċja fl-Istat u fl-Awtoritajiet. Abbażi tal-informazzjoni li qed tiċċirkola, l-inkwiet intern jidher li għandu diversi dimensjonijiet ewlenin:

Sinjali ta’ ribelljoni: Rapporti mill-midja Iżraeljana u minn pjattaformi soċjali saħqu li numru ta’ riservisti rrifjutaw li jirrappurtaw għas-servizz. L-argument tagħhom huwa sempliċi: jekk it-tmexxija politika tidher assenti jew indeċiża, għaliex għandhom jirriskjaw ħajjithom?

Sadanittant, f’Tel Aviv ġie irrappurtat ġlied bejn ċivili u pulizija. Il-protesti qed jiffukaw fuq nuqqas ta’ faċilitajiet adegwati fil-bunkers u fuq dak li ħafna qed jiddeskrivu bħala “silenzju” jew assenza ta’ direzzjoni ċara mill-Gvern.

Minħabba l-attakki ta’ Hezbollah, mijiet ta’ eluf ta’ Iżraeljani kienu diġà ġew imġiegħla jitilqu minn żoni tat-Tramuntana. Issa, wara l-ħsara estensiva f’Tel Aviv, anke reġjuni li qabel kienu meqjusa bħala relattivament sikuri qed jesperjenzaw mewġa ġdida ta’ spostament intern. Din il-pressjoni qed tpoġġi piż kbir fuq l-infrastruttura u l-amministrazzjonijiet lokali.

Il-“kriżi psikoloġika” li kienet issemmiet fid-Dikjarazzjoni Nru 8 tal-Korp tal-Gwardja Rivoluzzjonarja Iżlamika qed tidher dejjem aktar fil-ħajja ta’ kuljum. Il-bunkers taħt l-art huma rrappurtati li huma iffullati żżejjed, b’nuqqasijiet ta’ ikel u mediċini. It-tensjonijiet qed jiżdiedu, u ġew irrappurtati każijiet ta’ konflitti bejn nies stess, filwaqt li l-militar qed jiffaċċja diffikultajiet biex iżomm l-ordni.

Fl-assenza ta’ tmexxija ċentrali b’ saħħitha, hemm rapporti li xi gruppi estremisti ġewwa Iżrael bdew jarmaw lilhom infushom. Jekk dan jiġi kkonfermat, jista’ jfisser li ċerti gruppi bdew jieħdu inizjattivi indipendenti mill-Gvern. Dinamika li tista’ twassal għal instabbiltà interna serja.

F’dan il-mument, Iżrael jidher li qed jiffaċċja pressjoni fuq żewġ livelli: fuq il-front estern kontra l-Iran u l-alleati tiegħu, u internament b’tensjonijiet soċjali u politiċi dejjem jikbru. F’dan il-kuntest, kull sinjal ta’ distakk jew riservi minn alleati tradizzjonali Ewropej qed jiġi interpretat mill-opinjoni pubblika Iżraeljana bħala daqqa ta’ ħarta għall-fiduċja u għas-sens ta-sigurtà nazzjonali.