Chris Spiteri, accountant u awditur li hu wkoll ko-akkużat fil-każ tal-konċessjoni tal-isptarijiet, spjega kif il- ġurnalist Jacob Borg ipprova jagħmel pressjoni fuqu biex jgħid li Dr Joseph Muscat u Dr Konrad Mizzi u Keith Schembri kienu ħadu flus illeċiti mill-konċessjoni. Skont Spiteri, Borg allegatament qallu li jekk jgħid hekk, l-artiklu dwaru kien se jitwaqqaf; Spiteri qal li rrifjuta din it-talba u sostna li l-allegazzjoni hija kompletament falza.
L-istorja oriġinali, skont Spiteri, kienet dwar il-fatt li hu waqqaf volontarjament milli jwettaq audits mill-1 ta’ Jannar 2026. Jacob Borg kien qed jikteb dwar din il-bidla professjonali wara li Spiteri deher il-qorti, iżda Spiteri insista li d-deċiżjoni kienet personali u mhux marbuta mal-każ tal-isptarijiet. Hu qal ukoll li l-uffiċċju tiegħu f’Raħal Ġdid se jibqa’ miftuħ u jkompli jopera.
Jacob Borg
Din l-allegazzjoni ta’ Spiteri tqajjem mistoqsijiet serji dwar jekk kienx hemm pressjoni mhux xierqa, jekk inqabżux il-limiti tal-etika ġurnalistika, u jekk kienx hemm manuvri biex issir ħsara lil persuna diġà taħt skrutinju.
F’ din is-sitwazzjoni, l-Institute of Maltese Journalists (IĠM) għandha tkun l-entità li tinvestiga dawn l-allegazzjonijiet serji. L-IĠM għandha r-responsabbiltà li tħares l-istandards professjonali, il-libertà tal-istampa, u l-integrità tal-ġurnaliżmu f’pajjiżna.
