Id-diskors tal-President f’Jum ir-Repubblika

Id-diskors tal-bieraħ tal-President ta’ Malta beda tajjeb ħafna u spiċċa tajjeb ħafna għax kien jidher miktub biex jagħmel analiżi tal-50 sena Repubblika.

Iżda f’ mument minnhom f’ nofs id-diskors xi pinna oħra daħħlet parti li ma kellha x’ taqsam xejn.  Kumment dwar il-Kummissarju tal-Istandards li jiġġudika b’ mod assolut lil Clayton Bartolo u Clint Camilleri mingħajr ma semmiet isimhom.

Il-President stess donnha nħasdet bir-reazzjoni tal-uċuh li kien hemm quddiemha u ftit wara bdiet tiddevja mid-diskors miktub biex tipprova tinġabar mal-Gvern.

Jien ma nafx min kiteb din il-parti iżda ma niskanta xejn bis-sriep li għandha madwarha.

Illum se nibda nesponi wieħed minnhom.

Tafu min hu il-Public Relations Executive tal-President?

Matthew Mamo. Isem li forsi għal ħafna ma jfisser xejn iżda li kif taraw ritratt tiegħu tiftakruh bħala ġurnalist tan-Net jiġri wara Joseph Muscat.

Matthew Mamo

Wara Net mar fil-każin tar-Repubblichini tal-RTK.  Forsi kien in-Nutar tal-Kurja li taha parir tinkludih?

Niftakar sew lil Matthew Mamo jikkummenta fuq Facebook bi ħdura kontra Joseph Muscat, Robert Abela u l-Partit Laburista.

Mort infittixhom iżda ħassarhom.  Xorta sibt xi affarijiet interessanti li juri l-ħdura li għandu għalina l-Laburisti il-Public Relations Executive tal-President proposta minn Gvern Laburista.