Fost il-ħafna li kelmuni kien hemm Laburisti Ghawdxin li ilhom attivi fil-Partit Laburista minn ġuf ommhom.
Ilmentaw li meta dan l-aħħar kien hemm attività tal-Partit f’ Għawdex, huma kellhom ipoġġu bilqegħda fuq wara biex persuna prużuntuża li tfaċċat xahar ilu tpoġġiet fl-ewwel filliera.
Mela hekk sew. Nagħtu bis-sieq lis-suldati tal-azzar biex nħallu l-opportunisti jużaw il-Partit tagħna‼️
Jien m’għandi xejn kontra din il-persuna u lanqas biss nafha. Lanqas biss semmejt isimha. Saħansitra kien hemm persuni oħra li fl-aħħar sigħat affrontawni għaliex ħasbu li qed nirreferi għalihom.
Se nerġa nirrepeti. Merħba lil kulħadd fi ħdan il-Partit Laburista. Hekk sar qabel l-2013, baqa’ jsir sal-lum u hekk għandu jibqa’ jsir. Però kulħadd iżomm il-kju.
Ejja ma ninsewx lil dawk li ilhom snin twal joħorġu għonqhom għall-Partit. Fil-politika il-qawl Malti “il-musmar il-ġdid jaqla’ l-qadim” jista’ jkun fatali.
Merħba lil kulħadd ta’ rieda tajba. Iva. Però bħal kullimkien, jeżisti l-kju u għandu jiġi onorat.
