Il-Partit Laburista għandu juri snienu u jibda minnufih jitlob inkjesti fuq għadd ta’ Deputati Nazzjonalisti. Dan is-sit ilu xahar iħambaq li għandhom jiġu investigati Deputati bħal Stephen Spiteri, Joe Giglio u Toni Bezzina, Beppe Fenech Adami, Austin Gatt u anke Peter Agius.
Fil politika il-kwiet mhux risposta. Ġlieda tintrebaħ jekk tiġġieled mhux jekk toqgħod f’rokna tissawwat. Hekk qed jagħmel il-Partit Laburista, jissawwat kontinwament.
Illum se nagħmel mistoqsija sempliċi.
Possibbli ħadd mill-avukati viċin il-Partit Laburista m’għandu l-bajd jiftaħ inkjesta fuq wieħed minn dawn id-Deputati jew eks Deputati Nazzjonalisti?
Stephen Spiteri
Possibbli ħadd mill-Amministrazzjoni tal- Partit Laburista m’għandu l-ħeġġa li jagħmel pass ‘ il quddiem?
Sfortunatament għandna sitwazzjoni fejn il-Partit Laburista jaħseb li imbilli noħorġu Stqarrija jew tnejn kuljum qedgħin noħolqu bilanċ għall-attakki mill-avversarji politiċi.
Se nerġa ngħid; fil-verità qed nuru il-limitazzjonijiet tagħna, għaliex qed inkunu reattivi nistennew l-attakki ġejjin fuqna.
Jekk trid tirbaħ trid tattakka. L-aqwa difiża huwa l-attakk. Għadna fil-ħin.
