Il-bieraħ rajna kif l-Istitut tal-Ġurnalisti Maltin (IĠM) ikkundanna lill-eks Ministru Chris Cardona għall-kummenti tiegħu dwar ir-rappurtaġġ minn ċertu ġurnalisti relatat max-xhieda li ta’ jiem ilu.
Il-loġika titlob l-IĠM kellu jinvestiga minnufih lil dawk il-ġurnalisti responsabbli mir-rappurtaġġ u jivverifika jekk dak li ġie rrapportat minnhom hux korrett u skont dak li xehed Cardona. Però minn dan kollu jidher li ma sar xejn.
Ir-rwol tal-Istitut tal-Ġurnalisti huwa fost l-oħrajn wieħed dixxiplinarju. Ifisser li dawk il-ġurnalisti li jinstabu li b’xi mod jew ieħor naqsu fil-qadi ta dmirijiethom, jiġu dixxiplinati.
Nistaqsi lill-IĠM;
- Se tinfetaħ investigazzjoni relatata ma dawk il-ġurnalisti responsabbli mill-imsemmi rappurtaġġ?
- U jekk dawn żbaljaw, x’ser jiġri?
- X’sanzjonijiet hemm għall-ġurnalisti li jabbużaw?
Nistennew tweġibiet mingħand dawn li jriduha ta’ paladini tal-korrettezza.