Waqt is-seduta tal-Ħamis 3 ta’ Ottubru, waqt ix-xhieda tal-famuż “Uncle Sam” Sittlington irriżulta li l-Maġistrat Gabriella Vella ikkonkludiet l-inkjesta mingħajr ma kellha d-dokumenti kollha.    Se nerġa nistaqsi;   X’fiduċja taspira fl-imsemmija inkjesta?

Mistoqsija oħra sempliċi iżda bbażata fuq il-fatti.   Kif jista’ qatt nittoleraw espert forensiku mqabbad mill-Qorti, mħallas eluf kbar ta’ Ewro, jitla’ fuq il-pedana tax-xhieda u taħt ġurament jgħid li nesa’ jew ma sibtx id-dokumenti?   X’fiduċja taspira fl-imsemmija inkjesta?

Nirreferi għall-kawża dwar il-konċessjoni tal-isptarijiet.   Wara dak li seħħ f’dawn il-jumejn, fejn kien hemm bosta anomaliji u kontradizzjonijiet minn Samuel Sittlington, espert forensiku li tqabbad mill-Maġistrat Gabriella Vella bħala parti mill-inkjesta, nistaqsi lill-mezzi tal-media;   Kif wara dawk it-twissijiet kollha minn żewġ Maġistrati fil-konfront tax-xhud bqajtu muti u ma ażżardajtu tgħidu xejn fuq din […]