Fis-2pm it-Times stembħu u ħarġu l-istorja dwar Metsola. Tefgħuha fit-tieni post. Bir-rispett kollu għat-traġedja rappurtata fl-ewwel post, huwa ċar li għażla ta’ konvenjenza.
Ir-rapport tal-lum ta’ Politico huwa umiljazzjoni kbira għal media Maltija. Rapporti bħal dawn is-soltu joħorġu mill-media tal-pajjiż minn fejn ikun ġej il-politiku. Minflok f’ Malta l-media kollha tilgħaq lil Metsola għax teħodhom Brussels, l-Ukrajna u postijiet oħra. Dan minbarra l-ikliet. Minflok investigaw fuqha spiċċaw lagħqa ta’ Metsola.
Laqgħatni l-kumment tal-ispokesperson tal-President Metsola fejn ġiet kwotata tgħid “Being married to someone in employment does not constitute a potential conflict of interest according to the Parliament’s rules.” Għandha raġun. Ħadd ma għandu jiġi mċaħħad minn xogħol kwalifikat għalih minħabba l-mara jew ir-raġel tiegħu jew tagħha. Il-vilta hi li fejn jidħlu persuni […]