Grazzi għal gazzetta il-mument’ il-bieraħ sirna nafu mill-liema tensjoni għaddejjin minnha l- Kummissarju Ewropew Helena Dalli u l-familja tagħha.
Il-gazzetta ‘il-mument’ ippublikat ritratti juru persuna tpoġġi vażett bil-ħaxixa fuq l-għatba tar-residenza ta’ Helena Dalli.
Agħar minn hekk, il-familja Dalli sabet nota li tgħid “darb’oħra nkun ippreparat b’xi ħaġa għat-tfal”.
Mhux se nidħol fil-mertu tal-każ. Jien minix l-investigatur u hemm investigazzjoni għaddejja.
Però ma nistax ma nikkumentax dwar in-nuqqas ta’ appoġġ li l-familja Dalli ingħatat mill-Partit Laburista u l-ogħla uffiċċjali tiegħu.
Ma nistax ma nurix ir-rabja tiegħi għan-nuqqas ta’ rapportaġġ mill-media tal-Partit Laburista.
Se nistaqsi dirett bħal ma dejjem nagħmel;
Huwa minnu li ingħataw struzzjonijiet minn Kastilja lit-tmexxija ta’ One News sabiex ma ssirx referenza għal dan il-każ?
X’kienet ir-raġuni vera wara dawn l-istruzzjonijiet?
Għaliex dawn l-azzjonijiet ħżiena minn esponenti tal-Partit u tal-Gvern Laburista fil-konfront tal-familja Dalli?
Għalissa nieqaf hawn.
