F’Diċembru kont tlabt lill-Kummissarju tat-Taxxa jinvestiga evażjoni ta’ taxxa mis-Sur Pawlu Pace tal-MUMN.
It-Tax Compliance Unit, jekk iridu, kapaċi u jafu kif għandhom jinvestigaw biex jaraw jekk il-gid li akkumula hux wieħed legali jew le. Hux minn attitude kriminali jew le. Isegwu ftit l-istil ta’ ħajja tal-individwu, il-proprjetajiet immobbli, it-transazzjonijiet finanzjarji, il-ħwejjeġ ta’ lussu li jixtri kemm x’jilbes u kemm għad-dar, il-karozzi, muturi u dgħajjes, safar rekteattiv, aktar u aktar jekk ikun safar ta’ spiss, eċċ.
Joe Caruana
Għandi għalxiex nifhem li qed jinvestigaw. Jekk xejn, ninsab mgħarraf li kienu bdew jinvestigaw. Onestament ma nafx jekk lestewx però nahseb li jkun tajjeb li l-Pulizija tinżamm infurmata.
In-nies onesti li jħallsu t-taxxa kollha, sħiħa u fil-ħin, jixirqilhom difiża u protezzjoni minn dawn is-sangisugi.
