Editorjal : Meta se jasal Jum il-Ħelsien għal-Laburisti?

Id-dikjarazzjoni tal-Ministru għall-Akkomodazzjoni Soċjali u Affordabbli Roderick Galdes waqt Andrew Azzopardi tikkonferma 3 punti:

1. Taħtu, min kien parteċipi sabiex jwaqqagħna mill-Gvern u saħansitra jitfa’ Prim Ministru l-ħabs bl-akbar konġura politika mill-Indipendenza ‘l hawn, jiġi premjat f’kariga mportanti bil-barka tiegħu u s-CEO Matthew Zerafa (membru tal-familja).

2. Jgħodd biss min ikun qrib ta’ persuni sensittivi għalih, imma insensittiv lejn il-familja Laburista. Anzi waqt li persuni li ilhom jistennew risposta wara oħra, għalihom indawwru wiċċna,  imma għal Edward Mizzi joħroġ għonqu bħallikieku huwa indispensabbli. Għax taf inti I-id il-leminija ta’ Simon Busuttil kapaċi, imma żagħżugħ Laburist nagħtuh paga minima ma xi kuntrattur.

3. Jekk din I-attitudni se tibqa’ tiġi mbierka mill-Partit Laburista, allura l-uġigħ espress minn eluf ta’ Laburisti u Maltin ġenwini fI-elezzjonijiet tal-Parlament Ewropew juri li ntesa’.

Sinjuri, għada nfakkru Jum il-Ħelsien, l-akbar festa li qatt rat Malta. Jum storiku li tant ħadem qatigħ għalih il-Perit u qatt minsi Duminku Mintoff.  Iżda meta verament il-Laburist se jinħeles milli jibqa’ stmat inqas minn ħaddieħor?