Skiet totali relatat mal-Ilment quddiem il-Kummissarju għall-Istandards fil-Ħajja Pubblika dwar Toni Bezzina

Għaddew sitt xhur mindu ressaqt Lment quddiem  il-Kummissarju għall-Istandards fil-Ħajja Pubblika relatat mal-Membru Parlamentari Nazzjonalista Toni Bezzina, iżda sal-lum għadna ma smajna xejn.

Wieħed jista’ jinterpreta dan id-dewmien bħala ammissjoni li l-provi li ipprovdejna kienu biżżejjed biex isibu lil Toni Bezzina ħati ta’ ksur tal-kodiċi ta’ etika għad-Deputati.

Toni Bezzina

Qed nerġa nippubblika l- Lment għall- attenzjoni ġentili tal- qarrejja.

Dr Joseph Azzopardi

Kummissarju għall-Istandards fil-Ħajja Pubblika

Ilmentatur: Neville Gafà

Data tal-Ilment: il-Ġimgħa 15 ta’ Novembru 2024

L-Ilment:

Jirrigwarda l-Onorevoli Anthony Bezzina, Membru Parlamentari Partit Nazzjonalista – L-Erbatax-il Leġislatura li ġġib il-bidu tagħha 2022.

Illi l-Onorevoli Anthony Bezzina huwa impjegat fi ħdan id-Dipartiment tal-Public Works bħala Senior Architect & Civil Engineer.

Illi l-Onorevoli Anthony Bezzina suppost ikun qiegħed jaħdem fi ħdan id-Dipartiment tal-Public Works, imma ma jmurx għax-xogħol.

Illi l-Onorevoli Anthony Bezzina ma jirrapurtax għax-xogħol, b’allegazzjonijiet li sikwit ikun qiegħed jagħmel ix-xogħol privat tiegħu fl-istess ħin, iżda jieħu l-paga xorta waħda.

Sur Kummissarju,

Kull Deputat Parlamentari huwa marbut bil-kodiċi ta’ etika għad-Deputati li jinsab fl-ewwel skeda tal-Att dwar Standards fil-Ħajja Pubblika.

Membru tal-Kamra tad-Deputati għandu f’kull waqt, sew jekk ġewwa jew barra l-Kamra, iġib ruħu b’mod li jkun jixhed l-istatus u d-dinjità tal-Kamra tad-Deputati.

Nemmen li meta l-Onorevoli Anthony Bezzina mhux jirrapporta fuq il-post tax-xogħol u addirittura jibqa’ jitħallas b’mod regolari, u mill-flus il- poplu, allura qed jikser il-kodiċi ta’ etika għad-Deputati.

L-Onorevoli Anthony Bezzina qed jonqos milli jsegwi l-obbligu etiku jew dmir ieħor li joħroġ mil-liġi. F’ dan il-każ għaliex huwa impjegat maċ-ċivil u allura mħallas mill-Istat.

Għaldaqstant, permezz ta’ dan il-komunikat, qed ġentilment nitolbok tinvestiga lill-Onorevoli Anthony Bezzina għal dan l-abbuż li jista’ jirriżulta fi ksur tal- kodiċi ta’ etika għad-Deputati.

Tislijiet

Neville Gafà