Alex Borg qed jipprova jwiegħed kollox lil kulħadd. Mhux hekk biss, iżda kollox f’temp ta’ 100 jum. U dan mingħajr ma jgħid kemm se jkunu qed jiswew lill- Kaxxa ta’ Malta dawn il-proposti kif ukoll mingħajr l-iċken konsultazzjoni ma’ dawk li huma direttament involuti.
Fost għadd ta’ Stakeholders hemm l-Association of Catering Establishments (ACE) li saru jafu bil-proposta tal-Partit Nazzjonalista li se jkun qed inaqqas il-VAT għall-stabbiliment tal-ikel minn fuq il-mezzi tax-xandir. Sadanittant, l-ACE qed jagħmlu sforzi kbar biex jippruvaw jifhmu kif suppost għandhom jiġu implimentati il-proposti ta’ Alex Borg.
Dan mhux biss juri nuqqas ta’ serjetà fil-mod kif qed jitfasslu il-proposti mill-Partit Nazzjonalista, iżda wkoll nuqqas ta’ rispett lejn is-settur innifsu.
Aktar minn hekk, l-istess rappreżentanti tas-settur qed jgħidu b’mod ċar li ma hemm l-ebda garanzija li dawn il-benefiċċji se jaslu għand il-konsumatur.
Dan iqajjem mistoqsija fundamentali: dawn huma verament proposti maħsuba biex jgħinu lin-nies, jew sempliċiment slogans politiċi mfassla biex jidhru sbieħ fuq il-Manifest Elettorali?
Intant, f’kummenti li ta l-Ministru tal-Finanzi Clyde Caruana sostna li dan it-tnaqqis tal-VAT hekk kif propost mill-PN se tkun qed tiswa lill-Gvern 140 miljun ewro.
1 Comment
Il-mistoqsija hi, meta tal-pneeeeee kienu differenti min kif inuma issa?.