Żgħażagħ ma jemmnu b’xejn u bżonn ta’ Gvern jiftaħar li jnaqqas l-ispiża – diskors ta’ star candidate prospettiv tal-Partit Nazzjonalista

F’diskors partiġġjan f’attivita politika tal-Partit Nazzjonalista,  l-ex Direttur Ġenerali tal-Malta Employers Association, Joe Farrugia, ta stampa ferm negattiva tal-ekonomija Maltija.

Waħda mill-affarijiet li Joe Farrugia kkritika ħafna hu l-fatt li f’pajjiżna ġew ħafna ħaddiema barranin u ta x’jifhem li jemmen li din xi ħaġa ħażina. Dan meta kemm dam imexxi l-Malta Employers Association kien fuq ta’ quddiem isostni li għandhom jiġu aktar ħaddiema barranin u jħeġġeġ lill-Gvern biex jiffaċilita regolamenti.

Dan jixhduh diversi rapporti, uħud saħansitra li saru għaxar snin ilu u oħrajn ippublikati ftit qabel irtira mill-MEA. Imma issa jidher li biddel l-opinjoni kompletament, u minn tajbin sar jara l-barranin bħal ħżiena.