Tafu fejn ma nbidilx Joe Farrugia? Fil-qbil tiegħu mal-politika ta’ awsterita’ tal-Partit Nazzjonalista. Tant li kkritika l-investiment tal-Gvern preżenti u qal li Gvern alternativ għandu jnaqqas l-ispiża tal-Gvern.
Fi kliemu stess “il-ftaħir għandu jsir mhux fuq kemm nefaq imma b’kemm iffranka u bir-riżultati. Jien irid nara Gvern li jgħid li nfaqna anqas mhux li nfaqna aktar.”
Imbagħad qalilna wkoll li mill-esperjenza tiegħu bħala lecturer iħoss li ż-żgħażagħ ma jemmnu b’xejn. Għalhekk skont hu hawn l-qtigħ ta’ qalb u dawn qed jitilqu mill-pajjiż.
Din hija ħrafa oħra tiegħu, hekk kif kien verifikat minn Fact Check ta’ The Times of Malta li wera li fl-aħħar snin, aktar milli emigraw, aktar żgħażagħ ġew lura f’pajjiżna.
Dan jirriżulta propju minn ċifri tal-Uffiċċju Nazzjonali tal-Istatistika li Joe Farrugia inzerta huwa membru tal-Bord tagħha nominat mill-għaqdiet ta’ min iħaddem. Milli jidher ma tantx joqgħod attent waqt il-laqgħat tal-Bord mħallas minn flus il-poplu.
