Salvu Balzan bassar li l-Labour se jitlef Għawdex

Li Saviour Balzan huwa merċenarju jaf kulħadd. Però li jbassar il-politika mhux ħobż għalih.

Salvu Balzan bena karriera fuq l-insulti u fuq it-tgħajjir lejn dawk li jiddependi minnhom. Jigdem l-id li titimgħu, però fl-istess waqt jistenna li l-istess id li jkun gidem, terġa’ titimgħu.

Dalgħodu Salvu Balzan ħareġ jgħid li l-Labour se jirbaħ b’distakk ta’ inqas minn 19,000 vot u jitlef Għawdex.

Daqs mus tal-leħja jaqta’ Salvu Balzan.

Għax il-Partit Laburista kiseb il-maġġoranza tas-siġġijiet f’Għawdex. Dan ifisser li l-ħames siġġijiet se jkunu qed jinqassmu tlieta għall-PL u tnejn għall-PN.

Sadanittant, il–gwerra qaddisa ta’ Salvu Balzan kontra l-Labour u l-Mexxejja tiegħu se tkompli minn għada stess.