Il-Ministru għall-Affarijiet Barranin u Ewropej, Dr Chris Fearne, inħatar Chair tal-Commonwealth Ministerial Action Group (CMAG), kariga ta’ prestiġju fi ħdan waħda mill-aktar organizzazzjonijiet importanti fid-dinja.
Fi stqarrija, Dr Fearne ddeskriva l-ħatra bħala “unur u privileġġ”, filwaqt li spjega li se jippresiedi t-73 laqgħa tal-CMAG (CMAG73) flimkien mas-Segretarju Ġenerali tal-Commonwealth, l-Onor. Shirley Ayorkor Botchwey.
Dr Fearne, li serva bħala Deputat Prim Ministru u Ministru għas-Saħħa qabel ma nħatar Ministru għall-Affarijiet Barranin u Ewropej f’Ġunju tal-2026, issa se jmexxi l-ħidma ta’ dan il-korp tal-Commonwealth.
Imwaqqaf fl-1995, is-CMAG huwa responsabbli biex jissorvelja u jippromwovi l-prinċipji fundamentali tal-Commonwealth, fosthom id-demokrazija, is-saltna tad-dritt u l-governanza tajba fl-Istati Membri.
Din il-ħatra tirrifletti l-fiduċja li tgawdi Malta fi ħdan il-Commonwealth kif ukoll issaħħaħ ir-rwol tagħha bħala pajjiż impenjat fil-promozzjoni tal-valuri demokratiċi, l-istituzzjonijiet b’saħħithom u l-kooperazzjoni internazzjonali.
