Maġistrat inkwirenti jġorr responsabbiltà kbira fil-ħatra tal-espert. Għandu jassigura li jkun espert fil-qasam, li ma għandux allejanzi jew relazzjoni li trendi l-investigazzjoni ivvizzjata minħabba biais, konflitt ta’ interess, nuqqas ta’ sena jew ħila, kompetenza ‘il fuq minn persuna normali, u li tkun esperta fil-qasam bbażata fuq esperjenza unika.
Dan għaliex l-opinjoni tal-espert trid tkun tali li ma jasalx għaliha bniedem mingħajr dik il-kompetenza.
Għaldaqstant il-kwalifiki, esperjenza, affidibilita’ tal-persuna, karattru u ‘security clearance’ mill-aspett ta’ due diligence, u kondotta nadifa huma STANDARD PRINCIPLES.
Espert huwa persuna kkwalifikata li għandha sena u ħila, kapaċità u kompetenza u track record above the normal average person.
Għalhekk espert jista’ jgħati jew jasal għal konkluzzjoni kif jgħidu l-Ingliżi ‘inferred from facts’ filwaqt li xhud normali jista’ jixhed biss fuq dak li jaf biss.
Miroslava Milenovic
Nirreferi għal Miroslava Milenovic, li ħadmet bħala forensic accountant fl-inkjesta Vitals.
Milenovic kienet il-magħżulha tal-Maġistrat Gabriella Vella fl-Inkjesta tal-Isptarijiet.
Tajjeb li nfakkru li ċ-chairman tal-Accountancy Board, Edgar Borg, xehed fil-Qorti li sabiex persuna tkun tista’ tgħid li hija forensic accountant, l-ewwel nett trid tkun accountant u jkollha warrant.
Edgar Borg
Iżda minkejja li ma kellhiex warrant ta’ accountant u minkejja li, skont it-talba, m’għandhiex lawrja fl-accountancy, is-Serba Miroslava Milenovic ħadmet bħala forensic accountant fl-inkjesta Vitals.
Dan Bil-barka tal-Maġistrat Gabriella Vella.
Mix-xhieda tas-Edgar Borg, irriżulta li ż-żewġ ċertifikati tas-Serba Miroslava Milenovic li l-Pulizija bagħtet lill-Accountancy Board ma kinux biżżejjed biex hija tkun tista’ taħdem bħala accountant f’Malta.
Il-Maġistrat Gabriella Vella kellha ġġorr responsabbiltà kbira fil-ħatra tal-espert. Kellha l-obbligu tara li Milenovic għandha l-kwalifiki neċessarji sabiex tkun tista’ twettaq dak li għandu jagħmel espert forensiku.
Il-fatti juru mod ieħor.
La Milenovic ħadmet f’pajjiżna bħala forensic accountant minkejja li m’għandhiex warrant u lanqas lawrja fl-accountancy, allura kisret il-liġi.
Iżda I-Qorti ppreseduta mill-Maġistrat Franco Agius ddeċidiet li l-fatt li Miroslava Milenovic mhix forensic accountant, iżda l-Maġistrat Gabriella Vella kienet ħatritha bħala tali, ifisser li s-Serba nnifisha ma kisret l-ebda liġi f’pajjiżna.
Gwardjani li Jħarsu Lilhom Infushom.
