Għadni kemm qrajt dak li qalet ċertu Dr. Joanna Delia ta’ Doctors for Choice.
Ma nafhiex u nirringrazzja lill-ĦALLIEQ li ma nafhiex.
Din it-tabiba li għandha l-obbligu morali li tagħmel minn kollox biex tipproteġi l- ħolqien, kellha l-ardir tgħid hekk;
‘Nobody can take your kidney, but the state controls the uterus’
Qabel il-libertà hemm il-ħajja.
Qabel l-għażla hemm l-eżistenza.
Qabel kull dritt ieħor hemm il-kundizzjoni biex wieħed ikun jista’ jgawdi kwalunkwe dritt: li jitħalla jgħix.
Id-dibattitu dwar l-abort jibda b’mistoqsija fundamentali:
“il-bniedem mhux imwieled għandu valur uman li jistħoqqlu protezzjoni?”
Jekk le, irridu nispjegaw fuq liema bażi l-valur tal-ħajja umana jibda jiddependi mill-istadju tal-iżvilupp, mill-post fejn tinsab jew mill-grad ta’ dipendenza tagħha fuq ħaddieħor.
Jekk iva, allura kif tista’ soċjetà tipproklama d-drittijiet tal-bniedem bħala universali, filwaqt li teskludi mill-protezzjoni tagħha proprju lill-bniedem fl-aktar stadju vulnerabbli tal-eżistenza tiegħu?
Id-drittijiet kollha jibdew minn dritt wieħed: id-dritt għall-ħajja. Għax min ma jitħalliex jitwieled, ma jingħata qatt l-opportunità li jeżerċita ebda dritt ieħor.
Nappella lill-poplu sabiex jieħu bis-serjetà il-messaġġi ta’ dawn l-erba’ minn nies bla ruħ. Għamlu analiżi ta’ kull kelma li tintqal. Dawn ta’ favur l-abort qed jorganizzaw ruħhom sew u se jniedu kampanja aggressiva.
