Onor. Jonathan Attard
Ministru għall-Ġustizzja u r-Riforma
tas-Settur tal-Kostruzzjoni.
Onor. Attard,
Ippermettili nirrikorri għalik dwar dak li hu għaddej relatat mal-każ ta’ estradizzjoni ta’ Daniel Meli.
Qed nikteb lilek għaliex nemmen fil-kompitu ta’ Ministru għall-Ġustizzja għandek l-għażliet legali neċessarja li jwassluk tiddefendi d-drittjiet fundamentali ta’ Daniel Meli.
Meta wieħed jindaga ftit dwar dak li ġara sa issa fil-Qrati tal-Ġustizzja, isib li id-deċiżjoni li Daniel Meli jiġi estradit ittieħdet fl-ewwel seduta. Mhux hekk biss, l-imsemmija seduta ħadet madwar 30 minuta.
Allura dan il-każ ġie deċiż fl-ewwel seduta?
X’ kienet ir-raġuni li ssir pressjoni fuq tifel bi problemi ta saħħa mentali, b’tali mod li jiddeċiedi dwar dik li tissejjaħ ‘Voluntary Surrender’ fl-ewwel seduta?
Possibbli ma kienx obbligu tal-Qorti Rimandanti li tistħarreġ il-qagħda mentali tiegħu qabel ma taċċetta d-dikjarazzjoni volontarja tiegħu fejn huwa ta l-kunsens tiegħu biex jiġi estradit?
Partikolarment li huwa kien qiegħed tajjeb jifhem dak kollu li huwa kien qiegħed jiġi akkużat bih fit-talba għal treġġija u l-pieni karċerarji li setgħu jiġu mposti fuqu?
Possibbli l-kunsens tiegħu il-Qorti taċċettah b’serenita’?
Fejn hi l-EMPATIJA li tant niftaħru biha?
Għaliex din l-għaġġla kollha?
Il-familji Maltin qed insegwu fis-skiet dak li int u l-Gvern qed tagħmlu u x’ser tkunu qed tagħmlu dwar Daniel Meli.
